ლამინატი ფართოდ გავრცელებული უნივერსალური იატაკის საფარია. მას შევხვდებით ფეშენებელურ აგარაკებზეც და ღარიბულ საცხოვრებლებშიც.
რა განაპირობებს მის ასეთ პოპულარობას და რა უნდა გავითვალისწინოთ ლამინატის შერჩევისას?
ეტიმოლოგია
სიტყვა ლამინატი ლათინური lamina - დან მოდის და ნიშნავს ფენას. მასიური გავრცელების გამო სახელი ხშირად იატაკის საფართან არის გაიგივებული.
ისტორია
ტექნოლოგია შვედეთში 1977 წელს შეიმუშავეს და სამი წლის შემდეგ გამოჩნდა ბაზარზე. გამოგონება მცირე ხანში მთელს დასავლეთ ევროპაში გავრცელდა.
მას შემდეგ პროდუქტის წარმატების მატარებელი არ შეჩერებულა და აგებულება თითქმის არ შეცვლილა.
ლამინატის აგებულება
ის თავიდანვე შედგებოდა 3 ფენისგან: ზედა დეკორატიული ფენა, შუა ფენა, ქვედა საყრდენი ფენა
თანამედროვე ლამინატის განსხვავება პირველყოფილი ლამინატისგან ზედა ფენაშია. დღეს ლამინატის ზედა ფენა შედგება არა 1, არამედ 2 შრისგან: დეკორატიული და დამცავი შრე.
რა არის დეკორატიული ფენა?
დეკორატიული შრე განსაზღვრავს ლამინიატის ვიზუალს. ის შეიძლება წარმოვიდგინოთ როგორც ფოტო შპალერი, რომელზედაც სხვადასხვა მოტივებია დაბეჭდილი. ეს შპალერი გარე ზემოქმედებისგან დაცულია სპეციალური დამცავი შრით.
ყველაზე გავრცელებულია ხის მოტივები
ხარისხიანი ლამინატი იმდენად არის მიახლოებული მასიურ ხესთან, რომ მისი გარჩევა ნამდვილისგან ერთი შეხედვით ძნელია.
მაქსიმალურად ბუნებრივი ეფექტის მისაღებად ლამინატს უკეთდა სხვადასხვა 3 D ეფექტები, მაგალითად ბრაშირება, კორძების, ნახეთქი და ნახერხი ეფექტები.
| ბრაშირების და ხერხის კვალი ლამინატზე |
 |
ლამინატის ხარისხი
როგორ განისაზღვრება ლამინატის ხარისხი?
არსებობს რამოდენიმე მდგენელი:
✔️ აგებულება და სისქე
✔️ ცვეთის კოეფიციენტი
✔️ გამოყენების კლასი
✔️ დეკორი.
➡️ ლამიანტის აგებულება და სისქე
მიღებულია შემდეგი აზრი ხარისხთან დაკავშირებით:
რაც უფრო სქელია ლამინატი, მით მაღალია ხარისხი, თუმცა არც ისე მარტივადაა საქმე.
ერთი რამ ფაქტია: თხელი ლამინატი მალე ფუჭდება და ჩამკეტი სისტემები მალე ტყდება.
ლამინატის სისქე 6 მმ დან იწყება და ძირითადად 12 მმ-მდეა. 6-7 მმ ლამინატი დაბალი კლასის ლამინატებია და მხოლოდ იმ ადგილებში გამოიყენება, რომლებსაც მცირე დატვირთვები აქვთ, თუმცა
❌ 6-7 მმ სისქის ლამინატის შეძენისგან ჯობს თავი შევიკავოთ
სქელ ლამინატს სტაბილური ჩამკეტი სისტემები აქვთ..
➡️ ცვეთის კოეფიციენტი AC:
ეს მაჩვენებელი გვაძლევს ინფორმაციას რამდენად ზიანდება დეკორატიული ფენა ლამინატზე გახახუნების შედეგად.
როგორ დგინდება ცვეთის კოეფიციენტი?
ლაბორატორიული შემოწმებისას ლამინატის ზედაპირი მბრუნავი ზუმფარით იშკურკება. ყოველი 100 ბრუნის შემგედ მოწმდება რამდენად დაზიანდა დეკორატიული ფენა. აქედან მიღებული მონაცემები განსაზღვრავენ ცვეთის კოეფიციენტს.
 |
| დაზიანებული დეკორატიული ფენა |
მაჩვენებელი AC1 მიანიშნებს რომ ლამინატის დეკორატიულმა ფენამ გაუძლო ზუმფარის 900 ბრუნს. ეს დაბალი მაჩვენებელია. AC6 კოეფიციენტის მინიჭება ნიშნავს, რომ დეკორატიული ფენა 8000 ბრუნის შემთხვევაშიც მწყობრში იყო.
ცვეთის კოეფიციენტს ძირითადად უთითებენ შეფუთვაზე, მაგალითად 33/AC5. სადაც AC5 ცვეთის მაჩვენებელია, ხოლო 33 გამოყენების კლასი.
 |
➡️ ლამინატის კლასი
ლამინატი კლასიფიცირდება საერთაშორისო ნორმით DIN EN 13329, სადაც გაწერილია რა დანიშნულებით და რა შემთხვევაში არის რეკომენდირებული ამა თუ იმ სახეობის ლამინატის გამოყენება.
ლამინატის მწარმოებელი ვალდებულია ეტიკეტზე დაიტანოს ორნიშნა ციფრი, სადაც პირველი ციფრი უჩვენებს დანიშნულებას, მეორე ციფრი კი დატვირთვის ინტენსივობას.
| პირველი ციფრი | მეორე ციფრი |
| 2 = საოჯახო 3 = კომერციული 4 = ინდუსტრიული | 1 = მცირე ინტენსივობა 2 = საშუალო ინტენსივობა 3 = ძლიერი ინტენსივობა |
ცხრილის მიხედვით ლამინატი კლასიფიკაციით 21-დან 23-მდე გამოიყენება საოჯახო დატვირთვებისთვის, 31- დან 33- მდე კომერციული დატვირთვებისთვის.
შესაძლებელია კომერციული დატვირთვების ლამინატი 31, 32 და 33 სახლშიც დავაგოთ. ამით არაფერი დაშავდება.
 |
➡️ დეკორი
ძვირადღირებულ ლამინატებზე ყველა მოტივი განსხვავებულია. ზედაპირს აქვს დამატებითი სტრუქტურა, მაგალითად, კორძები, ნახეთქები, ბზარები, ბრაშირების, ან ნახერხი ეფექტი.
ლამინატის ფასი
ლამინატი სხვა იატაკის საფარებთან შედარებით მნიშვნელოვნად იაფია. ამიტომ მასზე მყიდველთა ფართო წრეს მიუწვდება ხელი.
დაგება არ მოითხოვს დიდ ხარჯებს, რადგან ლამინატის დაგება მშრალად, წებოს გარეშე ხდება.
⚠️ ლამინატის ფასები ბაზარზე 20 ლარიდან იწყება და 100 ლარამდეც შეიძლება ღირდეს. მაღალი ფასი ხშირად ნიშნავს უკეთეს ხარისხს, თუმცა არის გამონაკლისი შემთხვევებიც.
როცა თქვენსა და ლამინატის იმპორტიორს შორის კომერციული ჯაჭვი გრძელია, შესაძლებელია იაფფასიან ლამინატსაც ცეცხლის ფასი დაედოს..
 |
დაგების სიმარტივე
ლამინატის დაგება დიდ ტექნიკურ კომპეტენციას არ მოითხოვს. საშუალო დონის ხელგარჯილობა მის დასაგებად საკმარისია.
თუ ლამინატის დაგებას ხელოსანს მივანდობთ, როგორც წესი დიდი თანხების გადახდა არ გვიწევს.
სისწრაფე
ლამინატი სწრაფად იგება და დაგების მომენტიდანვე მისი ექსპლოატაცია შესაძლებელია. რამოდენიმე დღე არ ველოდებით სანამ შევძლებთ ახალ საფარზე გავლას. ამას განსაკუთრებით პოზიტიური ეფექტი რემონტის დროს აქვს , რადგან ბინაში ვრჩებით და ნათესავებთან ან მეგობრებთან არ გვიწევს გადაბარგება.
დიზაინის ფართო არჩევანი
არაფერს დავაშავებთ, თუ სქელი მელნით დავწერთ, რომ თანამედროვე ლამინატი ორგანულად შეიძლება შეერწყას ნებისმიერ ინტერიერს. დიზაინში არჩევანი ნამდვილად დიდია.
 |
არსებობს განსხვავებული ზედაპირული სტრუქტურის და ფაქტურის ლამინატები. ყველაზე გავრცელებული ფაქტურებია:
ზედაპირის სტრუქტურა შეიძლება იყოს გლუვი ან რელიეფული, მქრქალი ან პრიალა.
ლამინატის მოვლა
ლამინატს როგორც წესი ბევრი მოვლა არ სჭირდება. საკმარისია კარგად გაწურული ტილოთი მოწმენდა. მნიშვნელოვანია რომ ლამინატზე არ მოხვდეს ბევრი წყალი, რადგან წყლის ზემოქმედებით ის დაიბურცება და ამოიბერება. თუ წყალი დაგვექცა, სასწრაფო წესით უნდა ავამშრალოთ.
ასევე არსებობს სპეციალური საწმენდი საშუალებები ლამინატისთვის, რომლის შეძენაც ჩვენთან არის შესაძლებელი
ალტერნატიული პროდუქტები
ლამინირებული იატაკის უშუალო ალტერნატივად აღიარებულია ვინილის იატაკი. ეს ტექნოლოგია ევროპაში ნელა ანაცვლებს ლამინატს.
მეორე ალტერნატივა - პარკეტი, 100 % ით ბუნებრივი პროდუქტია. პარკეტის შეძენა და დაგება ბევრად მეტ დანახარჯებთან არის დაკავშირებული. დაათვალეთ რას გთავაზობთ ჩვენ.
 |